निस्ति खोलाले बगाएर एक जना बेपत्ता

गुल्मी । खोलाले बगाएर एक जना बेपत्ता भएका छन् । मुसिकोट नगरपालिका वडानम्बर २ निवासी ३१ वर्षका बोमबहादुर कार्की निस्ति खोला तर्ने क्रममा बेपत्ता भएका हुन ।

कार्की शनिबार बेलुकी इस्मा गाउँपालिका १ निस्ति खेतबाट फर्किएर निस्ति खोला तर्ने क्रममा बेपत्ता भएको जिल्ला प्रहरी कार्यालय गुल्मीका प्रहरी नायव उपरीक्षक शंकर पोखरेलले बताए ।

मुसिकोट नगरपालिका १ अरेवा घर भई हाल वडा २ निस्ति मामाघरमा बस्दै आएका थिए । उनी ख वर्गका फरक क्षमताका रहेको प्रहरीले जनाएको छ । आज बिहान उनको प्रहरी र स्थानीयले खोजी कार्य गरिरहेको जनाएको छ ।