एनपिएलमा आज कर्णाली याक्स र लुम्बिनी लायन्सको रोचक भिडन्त

काठमाडौं । कीर्तिपुरस्थित खेल मैदानमा जारी नेपाल प्रिमियर लिगमा आज दुई खेल हुँदैछन् । पहिलो खेलमा अंक तालिकामा चौथो स्थानमा रहेको कर्णाली याक्स र सातौं स्थानको लुम्बिनी लायन्सबीच भिडन्त खेल हुदैछ । पहिलो खेल बिहान हुनेछ ।

आजै हुने दोस्रो खेलमा सन्दीप लामिछानेको कप्तानीमा रहेको विराटनगर किंग्सले कुशल मल्लको कप्तानीमा रहेको चितवन राइनोजको सामना गर्दैछ । खेल दिउँसो १ बजे सुरु हुनेछ ।

नेपाल क्रिकेट संघको आयोजनामा ८ टोलीको सहभागिता रहेको एनपिएल पुस ६ गते सम्म चल्ने छ । राउन्ड रोबिन लिगपछि शीर्ष चार टोली प्लेअफमा प्रवेश गर्नेछन् ।