ओलीको कटाक्षः जाजरकोट र रुकुममा भिडभाड होइन त्रिपाल, खाद्यान्न र औषधी चाहियाे

काठमाडौँ । नेकपा एमालेका अध्यक्ष केपी शर्मा ओलीले विपतमा प्रचार भन्दा सेवा महत्त्वपूर्ण हुने भएकाले सबैले सेवाभाव राखेर काम गर्नुपर्ने सुझाव दिएका छन् । पूर्वप्रधानमन्त्रीसमेत रहेका ओलीले आफ्नो फेसबुक पेजमार्फत जाजरकोट र रुकुम पश्चिममा अहिले भिडभाड भन्दा त्रिपाल, खाद्यान्न लत्ताकपडा र औषधी चाहिएको बताएका हुन्।

ओलीले लेखेका छन् , ‘जाजरकोट र पश्चिम रुकुमको भूकम्प प्रभावित क्षेत्रमा यतिखेर अस्थायी आवासका लागि त्रिपाल, खाद्यान्न, लत्ताकपडा, घाइतेका लागि औषधि उपचार चाहिएको छ । विपतको यो समयमा हामीले त्यहाँ तत्कालको आवश्यकता पूरा गर्ने काम गर्नु पर्छ । ’

त्यस्तै ओली भूकम्पपछि उद्धार र उपचारमा खट्नुहुने सबैप्रति आभार व्यक्त गरेका छन् ।