- ७ असार २०८३, आईतवार / Jun 21, 2026
रौतहट । रौतहट प्रहरीले एकजनालाई पक्राउ गरेको छ। प्रहरीले स्रोत नखुलेको ६ लाख रुपैयाँसहित गौर नगरपालिका–१ बाट पक्राउ गरेको हो ।
जिल्ला प्रहरी कार्यालय रौतहटको टोलीले गौर नगरपालिका–१ स्थित राईसल मिलको पूर्व–दक्षिण कुनाको बाटोमा शंकास्पद गतिविधि देखेर जाँच गर्दा स्रोत नखुलेको रकमसहित ५४ वर्षीय वीरेन्द्रकुमार जयसवाललाई पक्राउ गरेको हो ।
रकमको स्रोतबारे आवश्यक कागजात माग्दा प्रस्तुत गर्न नसकेपछि जयसवाललाई पक्राउ गरी थप अनुसन्धान भइरहेको प्रहरीले जनाएको छ । स्रोत नखुलेको रकमसहित पक्राउ परेका जयसवालमाथि गैरकानुनी लेनदेन वा अन्य आपराधिक गतिविधिमा संलग्न रहेको आशंका रहेको प्रहरीले जनाएको छ।
जाँचका क्रममा ५०० दरका २०० थान र एक हजार दरका ५०० थान नोट फेला परेको जिल्ला प्रहरी कार्यालय रौतहटले जनाएको छ।
