मोटरसाइकल दुर्घटना हुँदा पाल्पामा एक जनाको मृत्यु

काठमाडौं । मोटरसाइकल दुर्घटना हुँदा पाल्पाको रम्भा गाउँपालिका–१ भुमरमा एक जनाको मृत्यु भएको छ । पिपलडाँडाबाट हुँगीतर्फ जाँदै गरेको ग १४ प ३७५ नम्बरको मोटरसाइकल आइतबार राति करिब १० बजे कालीगण्डकी करिडोरमा दुर्घटना भएको हो ।

मृत्यु हुनेमा रम्भा गाउँपालिका–१ असर्दी बस्ने २८ वर्षीय हेमन्त जी.टी.रहेको जिल्ला प्रहरी कार्यालय पाल्पाले जनाएको छ । मोटरसाइकल चालक जी.टी.को दुर्घटनास्थलमै मृत्यु भएको थियो । उनको शवलाई रामपुर अस्पताल पाल्पा पठाइएको छ । मोटरसाइकल कालीगण्डकी नदी किनारमा खसेको छ ।