पहिरोले पृथ्वी राजमार्ग अबरुद्ध

धादिङ । सडकमा सुख्खा पहिरो खसेपछि मुग्लीन सडक खण्ड अबरुद्ध भएको छ । चितवनको ईच्छाकामना गाउँपालिका नाग्दी खोलामा पहिरो खसेको हो ।

पहिरोका कारण पृथ्वी राजमार्ग दुवैतर्फी बन्द भएको छ । पहिरो खुलाउन केही समय लाग्ने प्रहरी चौकी कुरिनटारले जनाइएको छ ।

सडक अवरुद्ध हुँदा राजधानी प्रवेशका लागी आएका र राजधानीबाट बाहिरिएका सयौँ सवारी साधन बाटोमा नै रोकिएका छन् ।

पहिरो खुलाउन दिनभर लाग्ने मुग्लिन प्रहरीले जनाएको छ । पहिरो पन्छाई सवारी सुचारु गराउन तीब्र गतिमा काम भइरहेको छ ।