बाढी र पहिरोमा परी मृत्यु हुनेको संख्या १८८ पुग्यो, ४१ जनाको खोजीकार्य जारी

काठमाडौं । वर्षासँगै आएको बाढी र पहिरो तथा डुबानमा परी मृत्यु हुनेको संख्या १८८ पुगेको छ । हराएका ४१ जनाको खोजी कार्य जारी छ । काठमाडौं नागढुंगा नजिकै झाप्ले खोलामा मात्रै पहिरोमा परी ३५ जना यात्रुको मृत्यु भएको गृहमन्त्रालयले जनाएको छ ।

गृहले बिहान सार्वजनिक गरेको तथ्यांक अनुसार काठमाडौं उपत्यकामा ७९, बागमती प्रदेशका अन्य जिल्लामा ८५, कोशीमा २१ र मधेशमा तीन जनाको मृत्यु भएको छ । बेपत्ता हुनेमा उपत्यकाका २०, बागमतीका ११, कोशीका ७, लुम्बिनीका २ र मधेशका एक जना रहेका छन् ।

४५ जना घाइतेको उपचार भइरहेको छ । देशभरी १ हजार ३ सय २७ घरमा क्षति पुगेको छ । राजमार्ग तथा १९ सडक भत्किएका छन् । ३ हजार ६ सय ५४ जनाको सकुशल उद्धार गरिएको छ ।