बागमती प्रदेशका स्वास्थ्यमन्त्री थापा बाढी पीडितको उद्धारमा खटिए

भक्तपुर । बागमती प्रदेशका स्वास्थ्यमन्त्री किरण थापा उद्धारमा आफै खटिनु भएको छ । अविरल वर्षाका कारण आएको बाढीले क्षति पुर्‍याएको भक्तपुरका विभिन्न स्थानको निरिक्षण गर्दै उद्धारमा आफै खटिएका हुन ।

मन्त्री थापाले सुर्यविनायक नपा वडा नं ८ सिपाडोलको पहाडी भेगमा भएको धन जनको क्षतिलाई अवलोकन गर्दै अबरुद्व सडक खुलाउन पहल, पीडितलाई राहत बितरण साथै आबश्यक बन्दो बस्तीको पहल गर्दै बस्ती–बस्तीमा पुग्नु भएको हो ।

दुई दिनदेखिको बर्षाका कारण भएको क्षतिको स्थलगत निरिक्षण गर्दै मन्त्री थापा वडाका अध्यक्ष, रेडक्रसकर्मी, स्वयमसेबक, सुरक्षा निकाएको टोलीसंगै उद्धारमा खटिएको मन्त्री थापाको नीजी सचिवालयले जनाएको छ । अबिरल बर्षाका कारण बाढी र पहिरोबाट यस क्षेत्रमा दुई जनाले ज्यान गुमाएका छन् ।