- ९ श्रावण २०८३, शनिबार / Jul 25, 2026
बैतडी । दोस्रो संस्करणको बासुलिङ्ग प्रिमियर लिग (बीपीएल) क्रिकेट प्रतियोगिताको उपाधि पञ्चकोटी क्रिकेट क्लबले हात पारेको छ। बडा दशैंको अवसरमा बैतडीको सतबाँझमा बुधबार आयोजित प्रतियोगिताको फाइनलमा आयोजक बासुलिङ्ग क्रिकेट क्लबलाई ३१ रनले पछि पार्दै दशरथचन्द नगरपालिका १० रातामाटाको पञ्चकोटी क्लबले उपाधि हात पारेको हो।
सिद्धखाली खेलमैदानमा टस हारेर ब्याटिङको निम्ता पाएको पञ्चकोटीले निर्धारित १५ ओभरमा ८ विकेट क्षतिमा १६४ बनाएको थियो भने जवाफमा आयोजक बासुलिङ्ग १४ ओभरमा १३३ रन बनायो ।
पञ्चकोटी क्रिकेट क्लवका अध्यक्ष उत्तम चन्दका अनुसार उपाधिसँगै क्लबले ३५ हजार नगद, ट्रफी, मेडल र प्रमाणपत्र हात पा¥यो । यता आयोजक बासुलिङ्ग क्रिकेट क्लवले १८ हजार नगद, ट्रफी, मेडल र प्रमाणपत्रमा चित्त बुझायो।
उक्त प्रतियोगिताको सर्वोत्कृष्ट खेलाडी म्यान बासुलिङ्ग क्रिकेट क्लबका आकाश चन्द भए । त्यस्तै खेलमा उत्कृष्ट ब्याटसम्यान पञ्चकोटीका अंशु बुडाल र उत्कृष्ट बलर पञ्चकोटीकै मुकेश थापा चुनिएका थिए।
उक्त दोस्रो संस्करणको बासुलिङ्ग प्रिमियर लिग, बासुलिङ्ग क्रिकेट क्लवले कात्तिक २ गतेदेखि शुरू गरेको थियो । यस प्रतियोगितामा विभिन्न १६ टोलीको सहभागिता रहेको थियो।
