- १० कार्तिक २०८३, मंगलवार / Oct 27, 2026
ताप्लेजुङ । ताप्लेजुङस्थित प्रसिद्ध धार्मिक गन्तव्य पाथीभरा देवी मन्दिर क्षेत्रमा यस वर्षको पहिलो हिमपात भएको छ ।
शुक्रबार दिउँसो हल्का वर्षापछि साँझदेखि निरन्तर हिउँ झर्न सुरु भएको पाथीभरा क्षेत्र विकास समितिका कर्मचारी राजेन्द्र महतले जानकारी दिए । हल्का हिमपातसँगै क्षेत्रमा चिसो तीव्र रूपमा बढेको प्रहरीले जनाएको छ ।
चिसो बढेपछि पाथीभरा क्षेत्र विकास समितिले तीर्थयात्रीहरूलाई जाडोबाट बच्ने उपाय अपनाउन र सतर्क रहन अनुरोध गरेको छ । हिमपातका कारण यात्रु आवतजावतमा सामान्य असर परेको भए पनि बिहानै पुगेका भक्तजनले दर्शनसँगै हिउँ खेल्ने अवसर समेत पाएका थिए ।
हिउँ परेपछि मन्दिर परिसरमा बिहानैदेखि भक्तजनको भीड देखिएको छ ।
