- २२ कार्तिक २०८३, आईतवार / Nov 8, 2026
भक्तपुर। राष्ट्रपति रामचन्द्र पौडेलले भक्तपुर दरबार स्क्वायर क्षेत्रको अवलोकन गरेका छन् । महिनाको एक दिन सार्वजनिक स्थलमा पुग्ने कार्यक्रम अन्तर्गत आज राष्ट्रपति पौडेल दरबार स्क्वायर क्षेत्र पुगेका हुन ।
सो क्रममा उनले आम नागरिकसँग संवाद गर्ने भनिएपनि त्यस्तो कार्यक्रम हुन पाएन । राष्ट्रपति पौडेललाई दरबार स्क्वायर क्षेत्रमा स्थानीयबासी र भक्तपुर नगरपालिकाका जनप्रतिनिधिले स्वागत गरेका थिए ।
राष्ट्रपति पौडेलले दरबारस्वायर, राष्ट्रिय कला संग्राहलय, पुरात्वातिक क्षेत्र, पाँचतले मन्दिर र भैरबनाथको मन्दिर पुगेर दर्शन गरेका थिए । करिब २ घण्टा उनले सम्पदा क्षेत्रको अवलोकन गरेका थिए ।
