- १६ जेष्ठ २०८३, शनिबार / May 30, 2026
भक्तपुर । भक्तपुरको चाँगुनारायण नगरपालिका वडा ६ स्थित शान्ति डाँडा पर्यटकको रोजाइमा पर्ने स्थान हो । बुद्ध शान्ति डाँडा नगरकोट घुम्न आउने पर्यटकहरुका लागि आकर्षक बन्ने गरेको हो ।
भक्तपुरको कमलविनायक खरिपाटि, तेलकोट भएर केहि किलोमिटर नगरकोट जाने बाटोलाइ निरन्तरता दिदा शान्ति डाँडा पुग्न सकिन्छ । बुद्ध शान्ति डाँडा पुग्न खुड्किलाहरु चढ्नु पर्ने भएकाले पनि यहाँ जाऔं–जाऔं लाग्ने गरेको यहाँ घम्न आउने पर्यटकहरुको भनाई छ ।
यहाँबाट देखिने हरियाली वातावरणले यहाँ पुग्ने जो कोहीलाई स्वर्ग यही छ भन्ने आभाष हुने गरेको छ । राजधानी काठमाडौंबाट नजिकै रहेको यो स्थान पर्यटकीय क्षेत्र नगरकोटको काखैमा भएको भएर होला नगरकोटको परिचयमा अर्को इट्टा थपेको छ ।
यहाँका सुन्दरता महशुस गर्न एकपटक यो ठाउँ पुगेपछि मात्रै अनुभव गर्न सकिन्छ । प्रसिद्ध पर्यटकीय स्थल नगरकोट समुद्री सतहदेखि २ हजार ७५ मिटर उचाइमा रहेकाले गर्मी मौसममा पनि चिसो वातावरण हुने भएकाले यहाँ पर्यटकको आवागमन बाक्लो हुने गरेको छ ।
नगरकोट काठमाडौँ उपत्यका नजिकको प्रसिद्ध रमणीय स्थल भएकाले राजधानी काठमाडौँबाट ३२ किलोमिटर उत्तर–पूर्वमा र भक्तपुर नगरबाट २० किलोमिटर पूर्वमा रहेको स्थान हो ।
शान्ति डाँडामा पुगेपछि विशाल भगवान बुद्धको मुर्ति देख्दा यहाँ एकछिन नबस्ने कोहोलार ? विशाल बुद्धको मूर्ति अगाडिबसेर हरियाली सुन्दर स्थानहरुमा नयन डुलाउँदा मनका हरेक भावहरुलाई शान्त मिल्ने स्थानका रुपमा त्यहाँ पुग्ने हरेक व्यक्तिलाई शान्तिको आभास हुने गरेको छ ।
सूर्यउदयको दर्शन गर्ने उत्कृष्ट स्थान नगरकोटबाट मौसम सफा भएको बेला सुन्दर हिमश्रृङ्खलाहरुलाई आफ्नै आँखाले कैद गर्न सकिन्छ । यहाँबाट मनमोहक हिमालयका चुचुराहरूलाई महशुस गर्न सकिन्छ ।
