- २६ आश्विन २०८३, सोमबार / Oct 12, 2026
मुख्य बुँदा
फाइजरले मेटसेराको अधिग्रहणमा १० अर्ब डलर प्रस्ताव।
मेटसेरा मोटोपन र मधुमेह औषधिमा विशेषज्ञ।
नोभो नोर्डिस्क प्रतिस्पर्धाबाट पछि हट्यो।
शेयरधनीहरूको नोभेम्बर १३ को बैठकपछि सम्झौता लागू हुने सम्भावना।
फाइजरको रणनीतिक उद्देश्य: मोटोपन र मधुमेह औषधिमा बजार विस्तार।
एजेन्सी, २३ कार्तिक । अमेरिकी औषधि दिग्गज फाइजरले मोटोपन र मधुमेहसम्बन्धी औषधि उत्पादन गर्ने कम्पनी मेटसेरालाई १० अर्ब डलरमा खरीद गर्ने तयारी गरेको जनाएको छ।
यसअघि मेटसेरालाई अधिग्रहण गर्ने प्रक्रिया नोभो नोर्डिस्कसँग प्रतिस्पर्धामा थियो, तर नोभो नोर्डिस्कले बोलकबोल रोक्ने घोषणा गरेपछि फाइजरले अग्रता पाएको हो। मेटसेराले तौल घटाउने औषधि वेगोभी (Wegovy) र मधुमेह प्रतिरोधी औषधि ओजेम्पिक (Ozempic) उत्पादन गर्दै आएको छ।
मेटसेराको सञ्चालक समितिले स्टकहोल्डरहरूलाई फाइजरको संशोधित मर्जर सम्झौता स्वीकार गर्न सर्वसम्मतिले सिफारिस गरेको जनाएको छ। शेयरधनीहरूको नोभेम्बर १३ को बैठकपछि सम्झौता तुरुन्तै कार्यान्वयनमा आउने अपेक्षा गरिएको छ। फाइजरको पछिल्लो प्रस्तावले सेप्टेम्बरको प्रारम्भिक सम्झौताको तुलनामा मूल्य दोब्बर हुने बताइएको छ।
विश्व स्वास्थ्य सङ्गठनका अनुसार सन् २०२२ सम्ममा विश्वभर एक अर्बभन्दा बढी मानिस मोटोपन र ८० करोडभन्दा बढी मानिस मधुमेहसँग संघर्षरत थिए। यसैले मेटसेराको अधिग्रहणलाई फाइजरले विशेष रणनीतिक महत्वका साथ हेरिरहेको छ।
