ओलीले पाए संसदमा दुई तिहाइको विश्वास

काठमाडौँ । प्रधानमन्त्री केपी शर्मा ओलीले संसदबाट विश्वासको मत प्राप्त गरेका छन् । संघीय संसद् अन्तरगत आइतबार बसेको प्रतिनिधि सभाको बैठकमाओलीले विश्वासको मत प्राप्त गरेका हुन् ।

प्रधानमन्त्री ओलीले कूल २६३ मत रहेकोमा १८८ मत प्राप्त गरेका हुन् । विपक्षमा ७४ मत पर्‍यो भने एक मत तटस्थ रह्यो । नेपाली कांग्रेस,  नेकपा एमाले,  जनता समाजवादी पार्टी,  जनमत पार्टी, लोकतान्त्रिक समाजवादी पार्टी, नागरिक उन्मुक्ति पार्टी र केही स्वतन्त्र सांसदले  प्रधानमन्त्री ओलीलाई मत दिएका छन् ।

त्यस्तै नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी र एकीकृत समाजवादीले भने विपक्षमा मत दिएका छन् । नेपाल मजदुर किसान पार्टीका एकमात्र सांसद प्रेम सुवाल तटस्थ रहे ।