अवकाश हुदैगर्दा ५ प्रहरीले दिए सर्वोच्चमा रिट

काठमाडौं । उमेर हद सकिएर अवकाशमा जान लागेका पाँच प्रहरी अधिकृतले अदालतमा रिट दायर गरेका छन् । दर्जाअनुसारउमेरमा हुने अवकाशलाई कार्यान्वयन नगर्न माग गर्दै उनीहरु सर्वोच्च अदालतमा रिट दायर गरेका हुन् ।

एआईजी श्यामलाल ज्ञवाली, डीआईजी यज्ञविनोद पोखरेल, केदार ढकाल, राजेशनाथ बाँस्तोला र इन्सपेक्टर नागेन्द्र ठाकुर सर्वोच्च पुगेका छन् । रिट निवेदन दर्ता भएको सर्वोच्चका प्रवक्ता अच्युत कुइँकेलले बताए ।उनीहरु अनिवार्य अवकाशमा जाँदैछन् ।

जसकारण प्रहरी किताबखानाले उनीहरुलाई अवकाशको पत्र समेत पठाइसकेको छ । आफूहरुलाई पठाइएको अवकाश पत्र उमेर हदको विषय समेत ऐनमा उल्लेख गरेर कार्यान्वयन गराउनु भन्ने यसअघिको सर्वोच्चको फैसला अनुसार नभएको उनीहरुको जिकिर छ ।