अशोकराज सिग्देल प्रधानसेनापतिमा नियुक्त

काठमाडौं । सरकारले नेपाली सेनाको प्रधानसेनापतिमा अशोकराज सिग्देललाई नियुक्त गरेको छ ।

राष्ट्रपति रामचन्द्र पौडेलले संविधानको धारा २६७ को उपधारा ५ बमोजिम सिग्देलाई प्रधानसेनापति नियुक्त गरेको राष्ट्रपति कार्यालयले जनाएको छ ।

भदौ २४ गतेदेखि लागु हुने गरी सिग्देल प्रधानसेनापतिमा नियुक्त गरेको विज्ञप्तिमा उल्लेख छ ।

हाल नेपाली सेनाको कायममुकायम प्रधान सेनापतिको कार्यभार सम्हाल्दै आएका सिग्देललाई मन्त्रिपरिषद्को सिफारिसमा राष्ट्रपति पौडेलले प्रधानसेनापतिमा नियुक्त गरेका हुन् ।