सम्पर्कविहीन २६ प्रहरीलाई तुरून्त सम्पर्कमा आउन आग्रह

काठमाडौं । सम्पर्कविहीन भएका २६ प्रहरीलाई सात दिनभित्र सम्पर्कमा आउन नेपाल प्रहरीले आग्रह गरेको छ ।

प्रहरी प्रधान कार्यालय नक्सालले आज सूचना जारी गर्दै हाजिर आग्रह गरेको हो । आफूखुसी गैर हाजिर रहेको र खोजतलास गराउँदासमेत उनीहरू कार्यालयको सम्पर्कमा नआएको कार्यालयले जनाएको छ ।

सूचना प्रकाशित भएको सात दिनभित्र आफू गैर हाजिर रहनुको कारणसहित उपस्थित हुन आग्रह गरेको छ ।

उपस्थित नभएमा उनीहरूलाई सेवाबाट बर्खास्त गरिने कार्यालयले जनाएको छ ।