- २३ असार २०८३, मंगलवार / Jul 7, 2026
काठमाडौं । सम्पर्कविहीन भएका नेपाल प्रहरी प्रहरीका १६ जनालाई सात दिनभित्र सम्पर्कमा आउन आग्रह गरिएको छ । एक सूचना जारी गर्दै प्रहरी प्रधान कार्यालय नक्सालले आज हाजिर हुन आग्रह गरेको हो ।
आफूखुसी गैर हाजिर रहेको र खोजतलास गराउँदा तथा प्रहरी नियमावली २०७१ को नियम ११५ को देहाय (२) बमोजिम प्रक्रिया पूरा गरी सूचना टाँस भइसक्दा समेत कार्यालयको सम्पर्कमा नआएको कार्यालयले जनाएको छ ।
सात दिनभित्र हाजिर आँउन र किन सम्पर्क विहिन भएको हो भन्ने कारणसहित उपस्थित हुन आग्रह गरेको हो ।
उपस्थित नभएमा बर्खास्त गरिने कार्यालयले जनाएको छ। सूचनामा प्राविधिक प्रहरी नायव निरीक्षक, हवल्दार, जवानदेखि कार्यालय सहयोगीसम्म रहेका छन् ।
