संघीय संसदको चालु अधिवेशन अन्त्य गर्ने तयारी

काठमाडौं । संघीय संसदको चालु अधिवेशन अन्त्य गर्ने तयारी गरिएको छ । बिहीबारको बिहान ११ बजे बस्ने बैठकमा शीर्ष नेताहरुले सम्बोधन गरेरपछि संसदको चालु अधिवेशन अन्त्य गर्ने तयारी गरिएकाे छ ।

संक्रमणकालीन न्याय (टीआरसी) र सम्पत्ति शुद्धीकरण सम्बन्धी विधेयक पास गर्ने भन्दै सरकारले बजेट अधिवेशनलाई दशैं तिहारसम्म लम्ब्याएको थियो ।

तर ती दुवै विधेयक पास नगरी संसद अधिवेशन अन्त्य गर्ने तयारी भएकाे सांसदहरूले बताएका छन् ।

बुधबार बसेकाे कार्यव्यवस्था परामर्श समितिको बैठकमा भएको छलफल अनुसार आज संसद अधिवेशन अन्त्य हुने माओवादी केन्द्रका प्रमुख सचेतक हितराज पाण्डेले बताए ।