मुख्य बुँदा
राष्ट्रपति रामचन्द्र पौडेलले संघीय संसदको दुवै अधिवेशन आह्वान गरे।
अधिवेशन चैत १९ गते दिउँसो २ बजेका लागि निर्धारण।
निर्णय मन्त्रिपरिषद् बैठकको सिफारिसअनुसार।
संविधानको धारा ९३(१) अनुसार संसद अधिवेशन आह्वानको व्यवस्था।
फागुन २१ को निर्वाचनपछि प्रतिनिधिसभाको यो पहिलो अधिवेशन।
काठमाडौँ, १७ चैत्र । राष्ट्रपति रामचन्द्र पौडेलले संघीय संसदको दुवै अधिवेशन आह्वान गरेका छन्। मन्त्रिपरिषद् बैठकले चैत १९ मा संसद अधिवेशन आह्वान गर्न सिफारिस गरेसँगै राष्ट्रपति पौडेलले सो दिन दिउँसो २ बजे अधिवेशन आह्वान गरेका हुन्।
संविधानमा सरकारको सिफारिसमा राष्ट्रपतिले संसद अधिवेशन आह्वान गर्न सक्ने व्यवस्था छ। राष्ट्रपति कार्यालयबाट जारी विज्ञप्तिमा भनिएको छ:
“नेपालको संविधानको धारा ९३ को उपधारा १ बमोजिम नेपाल सरकार मन्त्रिपरिषद्को सिफारिसमा २०८२ साल चैत १९ बिहीबारका दिन २ बजे संघीय संसद भवन सिंहदरबारमा संघीय संसदको दुवै अधिवेशन आह्वान गर्नुभएको छ।” फागुन २१ को निर्वाचनबाट निर्वाचित प्रतिनिधिसभाको यो पहिलो अधिवेशन हो।
