- २७ भाद्र २०८३, शनिबार / Sep 12, 2026
दोलखा । दोलखाको वैतेश्वर गाउँपालिकाका अध्यक्ष छविलामा सम्मानित भएका छन् । स्थानीय विकास निर्माणको हिसाबले जिल्लामै पहिलो पालिका बनाउन सफल भएको भन्दै दोलखा महोत्सवमा अध्यक्ष लामालाई सम्मान गरिएको हो ।
अध्यक्ष लामाले गाउँपालिकाको विकास निर्माणसंगै नीजि क्षेत्रलाई पनि समेटेरअघि बढ्न सफल भएको भन्दै दोलखा उद्योग वाणिज्यसंघले आयोजना गरेको दोलखा महोत्सवमा प्रधानमन्त्री पुष्पकमल दाहाल “प्रचण्ड”ले सम्मान गरेका हुन ।
तपाई श्री छवि लामा २०७५ सालमा सम्पन्न स्थानीय तह निर्वाचनबाट दोलखा जिल्लाको वैतेश्वर माउँपालिकाको अध्यक्ष पदमा लगातार दोस्रो कार्यकालका लागि निर्वाचित भई गाउँपालिकाको समग्र आर्थिक तथा सामाजिक विकास र गाउँपालिकाबासीको सुःख र समृद्धीका निम्ती अहोरात्र खटेर पुर्याउनुभएको योगदान साथै निजी क्षेत्रको प्रबद्र्धन तथा व्यवसायीक हितका निम्ती गर्नुभएको कार्यको प्रशंसा गर्दै दोलखा उद्योग बाणिज्य संघद्वारा आयोजित दोलखा महोत्सव २०८० को अवसरमा यो सम्मान पत्र प्रदान गरिएको छ । सम्मान पत्रमा भनिएको छ ।
