लामिछानेलाई ६ दिन हिरासतमा राखिने

काठमाडौं । पक्राउ परेका पूर्वगृहमन्त्री तथा राष्ट्रिय स्वतन्त्र पार्टीका सभापति रवि लामिछानेलाई अनुसन्धानका लागि ६ दिन हिरासतमा राखिने भएको छ । पोखराको सूर्यदर्शन सहकारीको रकम अपचलन प्रकरणमा लामिछानेलाई जिल्ला अदालत कास्की पक्राउ गरी आज पेश गरिएको हो ।

शुक्रबार काठमाडौं वनस्थलीस्थित रास्वपा पार्टी केन्द्रीय कार्यालयबाट पक्राउ परेका उनलाई सोही दिन राति सडक मार्गबाट पोखरा पुर्‍याइएको थियो । आजमात्रै अदालतमा पेश गरिएको हो ।

अदालतमा पेश गर्नअघि पोखराको सहिदचोकमा ठूलो संख्यामा रविसर्मथकहरुले नारा जुलुश गरेका थिए । जिल्ला प्रशासन कार्यालयले सम्भावित स्थिति नियन्त्रण गर्न सहिदचोक आसपासका क्षेत्रमा अनिश्चितकालीन निषेधाज्ञा जारी गरेको थियो ।