- ६ आश्विन २०८३, मंगलवार / Sep 22, 2026
काभ्रे । बाढी पहिरोमा परी ज्यान गुमाएकाका परिवारलाई काभ्रे सोसाइटी यु केले आर्थिक सहयोग गरेको छ । ज्यान गुमाएका काभ्रेका १३ वटा पालिकाका ७९ जनाका परिवारलाई यु।के।मा बसोबास गर्ने नेपालीहरूको संस्थाबाट सङ्कलित १० लाख भन्दा बढी रकम जिल्लामा पीडित भएकाहरूका लागि उपलब्ध गराइएको हो ।
काभ्रेमा बाढी पहिरोमा परी ज्यान गुमाएकाको परिवारलाई आर्थिक सहयोग गर्ने उद्देश्यले युकेमा बसोबास गर्ने नेपालीहरूबाट केही रकम सङ्कलन गरिएको समाजसेवी एवं काभ्रे सोसाइटी युकेका कोषाध्यक्ष जीवन थापाले बताए ।
मृतकका प्रति व्यक्ति १२ हजार ७ सयका दरले ७९ जनालाई प्रदान गर्ने काम भइरहेको छ । जिल्लाका स्थानीय तहहरूको समन्वयमा विपद्मा ज्यान गुमाएकाका परिवारलाई रकम प्रदान गर्ने काम भइरहेको उनले जानकारी दिए ।
