- १२ जेष्ठ २०८३, मंगलवार / May 26, 2026
काठमाडौं, १८ जेठ । कर्णाली डेभलपमेन्ट बैंकका संस्थापक अध्यक्ष तथा पूर्व प्रमुख कार्यकारी अधिकृत राजेन्द्रवीर रायलाई प्रहरीले पक्राउ गरेको छ। रायमाथि बैंकमा संकलन भएको करिब दुई अर्ब ५० करोड रुपैयाँभन्दा बढी रकम हिनामिना गरेको आरोप छ ।
केन्द्रीय अनुसन्धान ब्यूरो (CIB) का अनुसार रायलाई रुपन्देहीको सिद्धार्थनगर नगरपालिका–१, बेलहिया बाट पक्राउ गरिएको हो। उनी हाल बाँकेको नेपालगञ्ज उपमहानगरपालिका–२० मा बसोबास गर्दै आएका थिए भने मूल रूपमा सल्यान जिल्ला निवासी हुन्।
राय संस्थापक अध्यक्षका रूपमा, पछि प्रमुख कार्यकारी अधिकृत (CEO) तथा सञ्चालक समिति अध्यक्ष पदमा रही कार्यरत रहँदा बैंकको ठुलो रकम हिनामिना गरेको प्रारम्भिक अनुसन्धानले देखाएको ब्यूरोले जनाएको छ।
रायलाई बैंकिङ कसूर तथा सजाय ऐन, २०६४ अनुसार मुद्दा चलाइएको छ र नेपाल राष्ट्र बैंकको समन्वयमा थप अनुसन्धान अगाडि बढाइएको CIB प्रवक्ता युवराज खड्काले जानकारी दिए । यो घटनाले सहकारी, बैंक तथा वित्तीय संस्थामा पारदर्शिता र नियमनको आवश्यकता झनै गहिरो बनाएको छ।
