- ३० श्रावण २०८३, शनिबार / Aug 15, 2026
पहिलोपटक साउन १६ गते राष्ट्रिय कोदो दिवस
उद्देश्य: आयात घटाउने, उत्पादन र उत्पादकत्व बढाउने।
नाराः “कोदोजन्य परिकारको आहार : खाद्य सुरक्षा र स्वस्थ जीवनको आधार”।
१८ हजार मेट्रिक टनभन्दा बढी कोदोजन्य बालीको आयात भएको कृषि विभागको तथ्याङ्क।
कोदो, चिनो, कागुनो, सामा, जुनेलो जस्ता बाली साना किसान, पोषण, र जलवायु सहनशीलताका लागि महत्त्वपूर्ण।
मधेशलगायत सुक्खा क्षेत्रहरूमा कोदो वैकल्पिक बालीका रूपमा प्रयोग गर्न सकिने।
उत्पादन वृद्धिका लागि अभियान सञ्चालन गर्न विज्ञहरूको सुझाव।
काठमाण्डौ, १६ साउन । पहिलोपटक राष्ट्रिय कोदो दिवस साउन १६ गते मनाइएकाे छ । कोदोजन्य बालीहरूको आयात रोक्ने र उत्पादन तथा उत्पादकत्व बढाउने उद्देश्यले मनाइएको यस दिवसको नाराः ‘कोदोजन्य परिकारको आहार : खाद्य सुरक्षा र स्वस्थ जीवनको आधार’ रहेको छ।
कृषि विभागका अनुसार गत आर्थिक वर्षमा करिब १८ हजार मेट्रिक टन कोदोजन्य उत्पादन आयात गरिएको थियो। कोदो, चिनो, कागुनो, सामा, जुनेलो जस्ता बालीहरू साना किसानको आय बढाउने र खाद्य तथा पोषण सुरक्षामा महत्वपूर्ण भूमिका खेल्ने बताइएको छ।
मधेश लगायत पानी कम पर्ने सुक्खा क्षेत्रहरूमा कोदोलाई वैकल्पिक बालीका रूपमा अपनाउन सकिने कृषिविद्हरूले सुझाएका छन्। राष्ट्रिय कृषि आनुवंशिक स्रोत केन्द्रका अनुसार कोदो बाली उत्पादन बढाउन बीउको उपलब्धता र किसानलाई प्रोत्साहन आवश्यक रहेकाे जनाएकाे छ।
यस दिवसले खाद्य सुरक्षा, स्वास्थ्य सुरक्षा, र वातावरण संरक्षणमा समेत टेवा पुर्याउने विश्वास गरिएको छ। आगामी दिनमा यसलाई दिवस मात्र नभई अभियानका रूपमा पनि लैजानुपर्ने विज्ञहरूको सुझाव छ।
