प्रधानन्यायाधीश राउतको शपथ आज

काठमाडौं । नवनियुक्त प्रधानन्यायाधीश प्रकाशमानसिंह राउतको नियुक्ति तथा शपथ ग्रहण आज हुँदैछ । आज राउतलाई राष्ट्रपति रामचन्द्र पौडेलले प्रधानन्यायाधीशमा नियुक्त गर्ने र शीतल निवासमा पद तथा गोपनीयताको शपथ खुवाउने कार्यक्रम रहेको छ ।

आज दिउँसो साढे १ बजे शपथ ग्रहण कार्यक्रम निर्धारण गरिएको छ ।प्रधानन्यायाधीश विश्वम्भर प्रसाद श्रेष्ठ १८ असोजमा अवकास भएपछि राउत प्रधानन्यायाधीश बनेका हुन् । संवैधानिक परिषदको बैठकले भदौ ३१ गते राउतलाई प्रधानन्यायाधीशमा नियुक्त गर्न सिफारिस गरेको थियो ।

संसदीय सुनुवाइ समितिले १६ असोजमा राउतको नाम अनुमोदन गरेको थियो । अब उनी साढे एक वर्ष प्रधानन्यायाधीश रहने छन् ।