- ६ असार २०८३, शनिबार / Jun 20, 2026
रौतहट । रौतहट प्रहरीले एकैदिनमा १८ जनालाई पक्राउ गरेको छ । प्रहरीले फरार प्रतिवादी पक्राउ गर्ने अभियान अन्तर्गत १८ जना पक्राउ गरेको हो । पक्राउ पर्नेहरूमा जालसाजी मुद्दाका शेख वहिद, नेक महमद, मिर अली हुसैन, शेख तैयब, शेख जमिर, शेख अख्तर, शेख दमी अख्तर, शेख साहिद, शेख मेराज, ईस्लाम अन्सारी, र जुमन देवान रहेका छन्।
हातहतियार खरखजाना मुद्दाका नवलाकिशोर मुखिया, कुटपिट तथा गाली बेइज्जती मुद्दाका शेख जाकिर, चोरी मुद्दाका रामबालक मुखिया, कुटपिट मुद्दाका वीर बहादुर राय, बिगो मुद्दाका सिकिन्दर यादव, र किर्ते जालसाजी मुद्दामा जगरनाथ राय यादव पक्राउ गरिएको जिल्ला प्रहरी कार्यालय रौतहटले जनाएको छ ।
प्रहरी कारबाहीको सिलसिलामा जिल्ला प्रहरी कार्यालय रौतहट तथा मातहत प्रहरी इकाईहरूबाट खटिएको प्रहरी टोलीले मंगलवार जिल्लाको छुट्टाछुट्टै स्थानबाट एकैदिनमा १८ फरार प्रतिवादी लाई पक्राउ गरेको हो।
जिल्ला अदालत रौतहट बाट दण्ड सजाय तोकिएर फरार रही लामो समय पछि पक्राउ परेका प्रतिवादीहरू लाई फैसला कार्यान्वयन लागि मंगलवार जिल्ला अदालत गौरमा उपस्थित गराइएको प्रहरीको सूचनामा उल्लेख गरिएको छ।
