- ८ बैशाख २०८३, मंगलवार / Apr 21, 2026
काठमाडौं । राष्ट्रिय स्वतन्त्र पार्टीका सभापति एवं पूर्वगृहमन्त्री रवि लामिछानेलाई आज कास्की जिल्ला अदालतमा उपस्थित गराइँदैछ । सहकारी ठगी प्रकरणमा पक्राउ परेका उनलाई प्रहरी हिरासतमा राखेर अनुसन्धान गर्न म्याद थपका लागि आज अदालतमा उपस्थित गराउन लागिएको प्रहरी कार्यालय कास्कीले जनाएको छ ।
अनुसन्धान गर्न पाँचौ पटक म्याद थप हुन लागेको हो । यसअघि कास्की जिल्ला अदालतल कात्तिक ४ मा ६, कात्तिक ८ मा ७, कात्तिक २० मा १० र कात्तिक २५ मा १३ दिन म्याद थप गरेर प्रहरीलाई अनुसन्धान गर्न अनुमति दिएको थियो । यसबीचमा उनलाई रुपन्देहीसमेत पुर्याइएको थियो । बुटवलको सुप्रिम सहकारीको बचत रकम हिनामिनामा चार दिन बयान लिएर फेरी पोखरा लगिएको हो ।
रविलाई कास्कीमा आज म्याद थप गरेर प्रहरी परिसर काठमाडौंले अनुरोधमा अनुसन्धानका लागि काठमाडौं पठाइने कास्कीले जनाएको छ । रवि कार्तिक २ गते काठमाडौंबाट पक्राउ परेका थिए । उनीविरुद्ध चितवनमा पनि पक्राउ पुर्जी जारी गरेकोले तेता लैजाने तयारी गरिएको छ।
