- २४ भाद्र २०८३, बुधबार / Sep 9, 2026
भक्तपुर । दशैं नजिकिदै छ । सेवाग्राहीलाई नयाँ नोट साट्नको चटारो छ । तर राष्ट्रिय बाणिज्य बैंक शाखा सूर्यविनायकका कर्मचारीले काम नगर्दा सेवाग्राहीलाई नयाँ नोट त परको कुरा सहज सेवा लिन समेत समस्या भएको छ ।
खातामा राखिएको रुपयाँ निकाल्न लाइनमा बस्नु परेको तर कर्मचारी यो या त्यो बहाना बनाएर काम नगरिदिदा समस्या भएको सिपाडोलकी एक महिलाले बताइन् । त्यस्तै चेक बनाउन आएका जगातीका राम श्याम धौबडेलले सेवा नपाउँदा दुखेसो पोखे उनले चेक बनाउने काउण्टरमा तीन महिला र एक पुरुष गफ गरेर बसिरहेको बताए ।
धेरै पटक आग्रह गर्दा कहिले के भन्ने कहिले के भन्ने समयमा काम नगरिदिदा दुःख पाएको उनको भनाई छ । एटिएमको त कुरा गरेर साध्य नै छैन । हप्तामा ८÷९ पटक बिग्रेको बिग्रेइ गरेको अवस्था छ । तर शाखाका सम्बन्धित कर्मचारीलाई कुनै मतलब नहुँदा सेवाग्राहीले शास्ती खेप्नु परेको नागरिकको गुनासो छ । हामीले यस विषयमा बुझ्दा शाखा प्रमुख नै कार्यकक्षमा भेटिएनन् ।
