नौविसे–नागढुङ्गा सडक खण्ड अबरुद्ध, सवारी साधन रोकिए

काठमाडौं । अविरल वर्षाका कारण आज बिहान खसेको पहिरोका कारण त्रिभुवन राजपथ नागढुङ्गा नौविसे सडक खण्ड अबरुद्ध भएको छ ।

धुनीवेशी नगरपालिकास्थित वडा ९ खत्रिपौवा भन्ने स्थानमा सुरुङ्ग मार्ग नजिकै लोदो सहितको पहिरो खस्दा सडक दुबैतर्फ बन्द भएको हो ।

सडक अवरुद्ध भएपछि राजधानीबाट बाहिरिने र राजधानी भित्रिने सवारी साधनहरु रोकिएका छन् । पहिरो पन्छाउने प्रयास भईरहेको छ ।

लेदोसहितको पहिरो भएकोले पन्छाउन केही समय लाग्ने जिल्ला प्रहरी कार्यालय धादिङले जनाएको छ ।