- १ कार्तिक २०८३, आईतवार / Oct 18, 2026
भक्तपुर । चित्तपोल सडक संजालले पूर्णता पाएसंगै स्थानीय उत्पादनले बजार पाएको छ । सूर्यविनायक नगरपालिका वडा नं १० अहिले ग्रामिण सडक पूवार्धारको स्त्तोरन्नतीले पूर्णता पाएसंगै यसको मूहार फेरिएको हो । सूर्यविनायक नगरपालिका‐१० भंगाल, खड्का गाउँ सल्लाघारी हुदै चाँगुनारायण नगरपालिकाको ताथली लगायतका गाउँ जोड्ने सडक पक्की र कालोपत्रे भएसँगै जीवन फेरिएको स्थानीयले बताए ।
चार दशक अघिदेखि रिङरोडको परिकल्पना भएको यहाँ सोही अनुसार यो सडकको रेखांकन गरिएको थियो । सिमित स्रोत साधनका बावजुद वडाको विकासमा पूर्वाधार निर्माणले गति लिन नसकेपछि स्थानीयले मूख्य प्राथमिकतामा सडकलाई दिएका थिए । सडक संजालले पूर्णता पाएपछि स्थानीयले सहज दैनिकी जीउन थालेका छन् । २०६३ सालमा ट्रयाक खेलेको यो सडकको यतिखेर कालोपत्रेले पूर्णता पाएको हो ।
सडक कालोपत्रे भएसँगैं चित्तपोलका ३ हजार ५ सय घरधुरीले गाउँमै सरकार आएको अनुभूति गरे । एम्बुलेन्स समेत आउँन नसक्ने यो सडकमा गतवर्ष एक करोड २४ लाखको लागतमा दुई वटा पुल निर्माण सम्पन्न गरेको र अहिले सडक कालोपत्र गर्ने कार्य सम्पन्न गरेको छ । कूल तीन करोडको लागतमा ६ मीटर चौडा ३.५ किलोमिटर सडक कालो पत्र र ढलान गरी पक्कि बनाएको हो ।
स्थानीय उत्पादन बजारसम्म पु¥याउन सहज भएको चित्तपोलबासी बताउँछन् । गाउँमा उत्पादन भएका तरकारी, दूधजन्य पदार्थ बजारमा बिक्रीका लागि लैजान निकै सहज भएको खड्गबहादुर तामाङले बताए । अहिले सडक कालोपत्र गर्न सफल भएको वडा नं १० का वडाध्यक्ष शिवराम राउतले बताए । ग्रामिण सडक रिङरोड बनेसंगै सुगम भएको तर वडामा खानेपानीको अभाव रहेको थापाको भनाइ छ । खानेपानीको पनि समस्या समाधानका लागि नगरपालिकाले पहल गरिरहेको उनको भनाइ छ ।
