- २९ असार २०८३, सोमबार / Jul 13, 2026
मस्को, ३१ जेठ । रुसले युद्धमा मारिएका १,२०० जना युक्रेनी सैनिकहरूको शव कीएभलाई फिर्ता गरेको छ। यो तीन वर्षभन्दा बढी समयदेखि जारी युद्धपछिको सबैभन्दा ठूलो शव फिर्ता प्रक्रिया मध्ये एक मानिएको छ।
शुक्रबार सम्पन्न यो फिर्ता प्रक्रिया हालै इस्तानबुलमा भएको शान्ति वार्ता अन्तर्गत गरिएको दाबी गरिएको भए पनि रुसले यो कार्य एकतर्फी रूपमा गरिएको उल्लेख गरेको छ।
रूसी राष्ट्रपति कार्यालयका सहयोगी भ्लादिमिर मेदिन्स्कीले युक्रेनले ७ जुनमा तय गरिएको शव तथा कैदी आदानप्रदान प्रक्रिया अचानक स्थगित गरेको आरोप समेत लगाएका छन्।
रुसले युक्रेनले आफ्ना मृतक सैनिकहरूको शव फिर्ता लिन ढिलाइ गरेको आरोप लगाउँदै कैदी आदानप्रदान प्रक्रिया पनि अड्किएको जनाएको छ। युद्धको चपेटामा परेका दुवै मुलुकबीच यस्ता मानवीय विषयमा समेत द्वन्द्व जारी रहँदा शान्ति स्थापनाको प्रयास थप जटिल बन्न गएको देखिन्छ।
