- २२ कार्तिक २०८३, आईतवार / Nov 8, 2026
भक्तपुर । पहिरोले अवरुद्ध भएको भक्तपुर नगरकोट सडक सञ्चालनमा आएको छ ।
लगातारको बर्षापछि पहिरोले अवरुद्ध भएको सडक स्थानीय, प्रहरी र चाँगुनारायण नगरपालिकाकाको सक्रियतामा पहिरो पन्छाएर सञ्चालनमा आएको हो ।
दिउसो पौने तीन बजेदेखि चाँगुनारायण नगरपालिका–६ मुहान पोखरी नजिक पहिरोले सडक अवरुद्ध भएको थियो ।
सडक अजरूद्ध हुँदा भक्तपुरबाट नगरकोट जाने र नगरकोटबाट भक्तपुर आउने दर्जनौ सवारी साधन अलपत्र परेका थिए ।
सडक खुलाउन दुईवटा डोजर प्रयोग गरिएको र बेलुका ७ बजेबाट सडक संचालनमा आएको नगर प्रमुख खत्रीले बताए ।
