- २२ कार्तिक २०८३, आईतवार / Nov 8, 2026
काठमाडौं । सरकारले नुनको भाउ वृद्धि गरे पनि होटल–रेस्टुरेन्टको मेनु परिवर्तन नहुने भएको छ । साल्ट ट्रेडिङ कर्पोरेसनले ८ वर्षपछि मंगलबार नुनको भाउ वृद्धि गरेको थियो । यसअघि २० रुपैयाँ रहेको आयो नुनको मूल्य अब २६ रुपैयाँ पुर्याइएको छ ।
होटल संघ नेपाल (हान) का कोषाध्यक्ष युवराज श्रेष्ठले होटल रेस्टुरेन्टको मेन परिवर्तन नहुने जानकारी दिए ।
यद्यपि नुनको भाउ बढ्दा व्यवसायीमा त्यसको भार पर्ने उनी बताउँछन् ।
कम्पनीले थोक मूल्य प्रतिकेजी १८ रुपैयाँ रहेको आयो नुनको अब थोक बिक्रि मूल्य २३ रुपैयाँ प्रतिकेजी पुगेको छ । २३ रुपैयाँमा बिक्री गर्दा समेत कम्पनीलाई प्रतिकिलो ५ रुपैयाँ घाटा हुने कम्पनीका नायव प्रमुख कार्यकारी अधिकृत कुमार राजभण्डारीको भनाई छ ।
