संविधान संशोधनः विषय पहिल्याउन संयन्त्र

काठमाडौं । संविधान संशोधनको बहसमा केन्द्रित हुन दुई दल लागि परेका छन् । नेपाली कांग्रेस र नेकपा एमालेले गत १७ असार मध्यराति नयाँ सत्ता गठबन्धन बनाउँदा संविधान संशोधनलाई नै मुख्य आधार बनाएर गठबन्धन बनाऐका थिए ।

पाँच महिनासम्म उक्त सहमतिले ठोस आकार लिन नसकेपछि यस्तो बाटोमा लागेका छन् । तथापि, मुख्य राजनीतिक दलहरू आन्तरिक रूपमा संशोधनका विषय के कस्ता हुन सक्छन् भनेर बहसमा जुटेका हुन् । यसका लागिकांग्रेस र एमालेले बेग्लाबेग्लै कार्यदल बनाउन लागेका छन् ।

सत्तारूढ दल छुट्टाछुट्टै संयन्त्र बनाउन लागेका हुन् । सत्तारुढ कांग्रेस र एमालेले संयन्त्र बनाएर संविधान संशोधनको गृहकार्य अगाडि बढाउन खोजिरहेका बेला विपक्षी दलहरूले भने छलफल अगाडि बढाइसकेका छन् ।