- २ भाद्र २०८३, मंगलवार / Aug 18, 2026
भक्तपुर । जिल्लाकाे सूर्यविनायक नगरपालिका वडा नं. २ बालकोट फिकाधारा स्थित बाबु र छोराको हत्या प्रकरणमा जेठो छोराले प्रहरीसामु आत्मसमर्पण गरेका छन् । डेराबाट सम्पर्कविहीन भएका जेठा छोरा मिलन मंगलबार काठमाडौं महाराजगञ्जस्थित प्रहरी वृत्तमा पुगेर आत्मसर्पण गरेको प्रहरीले जनाएको छ ।
खोटाङ रूपाकोट मजुवागढी नगरपालिका वडा नम्बर १ का ५६ वर्षीय कुलप्रसाद आचार्य र उनका २२ वर्षीय छोरा प्रवीण आचार्यको शव फेला परेको थियो भने कोठामा जेठा छोरा मिलन आचार्य थिएनन् । घटनामा जेठो छोराको संलग्नता हुन सक्ने आशंका छ ।
गत शनिबार राति घटना भएदेखि नै जेठो छोरा सम्पर्कविहीन भएका थिए । उनका बाबु र भाइको शव डेरामै सोमबार बिहान बेग्लाबेग्लै कोठामा बाहिरबाट ताला लगाईएको अवस्थामा फेला पारेको थियो । जिल्ला प्रहरी परिसर भक्तपुरबाट अनुसन्धान अधिकृत सहितको प्रहरी टोली खटिई निजहरु मृत अवस्थामा फेला पारेको थियो ।
घटनास्थलमा केनाईन काठमाण्डौंबाट कुकुर र फरेन्सीक डाक्टरसहितको प्रहरी टोली खटिई अनुसन्धनमा जुटेको थियो । घटनाका सम्बन्धमा थप अनुसन्धान भईरहेको जिल्ला प्रहरी परिसर भक्तपुरका प्रमुख प्रहरी उपरीक्षक माधव प्रसाद बुढाथोकीले बताए ।
