लामिछानेको मुद्दामा आज सुनुवाइ हुने

काठमाडौं । क्रिकेटर सन्दीप लामिछानेविरुद्ध दायर भएको जबर्जस्ती करणीसम्बन्धी मुद्दाको आज सुनुवाइ हुने भएको छ ।

उच्च अदालत पाटनमा न्यायाधीशद्वय सुदर्शनदेव भट्ट र अञ्जु उप्रेतीको इजलासमा हिजो बहस भएको र सुनुवाइ नसकिएपछि आज हुने भएको हो ।

यसअघि जिल्ला अदालत काठमाडौँले लामिछानेलाई बलात्कारमा दोषी ठहर गर्दै आठ वर्ष कैद र जरिवानाको फैसला सुनाएको थियो ।

सोही फैसलाविरुद्ध गएको पुनरावेदन निवेदनमा अहिले बहस भइरहेको हो ।