हावाहुरीसहित वर्षाको सम्भावना

काठमाडौं । देशका पहाडी भागमा आंशिक बदली रही बाँकी भागमा मौसम मुख्यतया सफा रहेको छ । दिउँसो पहाडी भागमा आंशिकदेखि साधरणतया बदली रहने छ।

कोशी, बागमती, गण्डकी, लुम्बिनी र कर्णाली प्रदेशको पहाडी भागका एक–दुई स्थानमा चट्याङ्ग र हावाहुरीसहित वर्षाको सम्भावना रहेको छ । प्रदेशका उच्च पहाडी तथा हिमाली भागका एक–दुई स्थानहरूमा हिमपातको सम्भावना रहेको मौसम पूर्वानुमान महाशाखाले जनाएको छ।

आज राति कोशी, गण्डकी र कर्णाली प्रदेशको उच्च पहाडी तथा हिमाली भागका एक दुई स्थानहरूमा हिमपातको सम्भावना छ।