नेपालीलाई सीमामा सास्ती

कैलाली । गौरीफन्टा नाकामा चेकजाँचका नाममा भारतीय सुरक्षाकर्मीबाट सुरु हुने अनावश्यक सास्तीलाई आफ्नै भूमिमा नेपाली सुरक्षाकर्मीले पनि निरन्तरता दिएको स्थानीयले बताएका छन् । अझ अटोरिक्सा चालकहरूले थप हैरानी खेपेका छन् ।

दशैंमा घर फर्किएका धेरै नेपाली सीमामा खेपीरहेको बताउँछन् । सामान्य समयमा गौरीफन्टा नाकाबाट धनगढी चौराहसम्म यात्रा गरेको भाडा ३० रूपैयाँ लिने गरिएको छ तर भारतबाट फर्किनेहरूबाट अटो रिक्सा चालकहरूले दुई सय भारतीय रूपैयाँदेखि एक हजारसम्म लिइरहेको छन् ।

उनीहरूले लाहुरेसँग सामानको समेत जोडेर महंगो भाडा असुल्ने गरेका छन् । कैलालीका प्रमुख प्रहरी उपरीक्षक पदमबहादुर विष्टले सीमा क्षेत्रमा भारतबाट फर्किने कुनै पनि नेपालीले दुःख नपाओस् भनेर सुरक्षा व्यवस्था मजबुत बनाइएको दाबी गर्छन् ।