- २२ भाद्र २०८३, सोमबार / Sep 7, 2026
काठमाडाैं, १७ मंसिर । मधेस प्रदेशसभाको निर्धारित समय बिहान ८ : ३० मा सुरु हुने बैठक सत्तापक्षका सांसद अनुपस्थित भएपछि स्थगित गरिएको छ । बैठकमा आवश्यक संख्या नपुगेपछि सभामुखले बैठकलाई दिउँसो २ बजेसम्मका लागि सारिएको घोषणा गरेका छन् ।
मुख्यमन्त्री सरोज कुमार यादवले विश्वासको मत लिनुपर्ने संवैधानिक बाध्यता रहेकाले आजै प्रदेशसभा बैठक बोलाइएको थियो । सर्वोच्च अदालतले सोमबार साँझ मुख्यमन्त्री यादवलाई २४ घण्टाभित्र विश्वासको मत लिन परमादेश जारी गरेको थियो । अदालतको आदेशअनुसार विश्वासको मत लिने तयारी भइरहेको बेला सत्तापक्षकै सांसद अनुपस्थित हुँदा बैठक अघि बढ्न नसकेको हो ।
विश्वासको मतप्रक्रिया अनिश्चित बन्दा प्रदेश सरकारको राजनीतिक स्थिरता पुनः प्रश्नमा परिरहेको छ । प्रदेशसभामा प्रदान गरिने विश्वासको मतले सरकारलाई निरन्तरता दिने वा नयाँ सत्ता समीकरणतर्फ मार्ग खोल्ने अपेक्षा गरिएको छ ।
