शनिबारदेखि असार ३ गतेसम्म काठमाडौँका विभिन्न क्षेत्रमा बिजुली कटौती

काठमाडौं । नेपाल विद्युत् प्राधिकरणले शनिबारदेखि असार ३ गतेसम्म काठमाडौँका विभिन्न क्षेत्रमा बिजुली कटौती गर्ने भएको छ। विद्युतीय लाइन भूमिगतका लागि भन्दै प्राधिकरणले रत्नपार्क वितरण केन्द्रअन्तर्गत विभिन्न स्थानमा विद्युत कटौती गर्ने भएको हो ।

प्राधिकरणका अनुसार शनिबार बबरमहल क्षेत्रस्थित सैनिक मुख्यालय, सुनधारा टेलिकम, भन्सार विभाग, पशु अस्पताल, रानीपोखरी प्रहरी र स्वास्थ्य मन्त्रालय लगायत स्थानमा विद्युत् अवरुद्ध हुनेछ।

सोमबार कालिकास्थान, बुधबार भीमसेनस्थान, शुक्रबार गैह्रीधारा, असार २ गते पानीपोखरी र ३ गते सामाखुशी क्षेत्रमा विद्युत् अवरुद्ध हुने प्राधिकरणले प्रकाशन गरेको सूचनामा उल्लेख छ।

शनिबार, सोमबार, बुधवार, असार २ र ३ गते विद्युत् कटौती गर्ने र यी दिनमा बिहान ११ बजेदेखि अपराह्न ५ बजेसम्म विद्युत् अवरुद्ध हुनेछ।