- ३१ आश्विन २०८३, शनिबार / Oct 17, 2026
काठमाडौं । गोठाटारमा प्रहरीले गोली चलाएको छ ।
लागु औषध कारोबारीलाई उपत्यका अपराध अनुसन्धान कार्यालयको टोलीले गोली चलाएर पक्राउ गरेको छ ।
भारतको पश्चिम बंगाल घर भएका मोहम्मद करिमलाई प्रहरीले गोली हानेर नियन्त्रणमा लिइएको हो ।
मोहम्मद करिमको साथबाट प्रहरीले एकथान पेस्तोल समेत बरामद गरेको छ ।
उनको साथबाट २ सय ग्राम खैरो हेरोइन र तराजु फेला परेको उपत्यका अपराध अनुसन्धान कार्यालयका एसपी रवीन्द्र रेग्मीले बताए ।
प्रहरीले चलाएको एक राउण्ड गोली करिमको खुट्टामा लागेको एसपी रेग्मीले जानकारी दिए ।
