- २८ असार २०८३, आईतवार / Jul 12, 2026
काठमाडौँ । काठमाडौ– सीतापाइला–धादिङ धार्के पुगिने वैकल्पिकमार्ग अनिश्चितकालका लागि बन्द भएकाे छ । धार्के स्थित ठूलो खोलामा कालोपत्र काम सुरु भएपछि अब अर्को सूचना जारी नभएसम्म सडक बन्द गरेर काम थालिएकाे धुनीबेँसी नगरपालिका–५ का वडाअध्यक्ष विशाल भट्टराईले बताए ।
उनले भने, ‘आजदेखि धार्के–ठूलोखोला खण्डमा दोस्रो लेयरको कालोपत्र सुरु भएको छ । अत्यावश्यक बाहेकका सवारी साधनलाई बन्द गरिएको हो । नौ किलोमिटरको लेयर कालोपत्र तीन चरणमा पूरा गर्नेगरी तिहारसम्म आधा काम सकिन्छ ।’
नागढुङ्गा–नौबिसे सडकको सट्टा सीतापाइला–धार्के सडक प्रयोगमा ल्याइएको थियो । नागढुङ्गा–नौबिसे सडकको जाम छल्न यातायात व्यवसायीले दसैँमा उक्त सडक प्रयोग गरेको काठमाडौँ उपत्यका ट्राफिक प्रहरी कार्यालयका प्रमुख एवं प्रहरी नायब महानिरीक्षक भरतबहादुर बोहराले बताए ।
