- २४ असार २०८३, बुधबार / Jul 8, 2026
काठमाडौं । सहकारी ठगी र सुन तस्करी प्रकरणमा मुछिएपछि पूर्वउपराष्ट्रपति नन्दबहादुर पुनका छोरा दिपेश पुन पक्राउ परेका छन् ।
प्रहरीले दिपेसलाई धापासीबाट पक्राउ गरेको हो । प्रहरी प्रधान कार्यालय नक्सालबाट खटिएको टोलीले नेकपा माओवादी केन्द्रको विद्यार्थी संगठन अनेरास्ववियु क्रान्तिकारीका महासचिव समेत रहेका उनलाई पक्राउ गरेको हो ।
गएको २ साउनमा बरामद ६० किलो सुन तस्करी प्रकरणका मुख्य आरोपी दावा छिरिङसँग उनको सम्बन्ध देखिएपछि छानबिनको दायरामा परेका थिए । सीआईबीले गम्भीरतापूर्वक अनुसन्धान नगरी उनलाई उन्मुक्ति दिएको जाँचबुझ आयोगको प्रतिवेदनमा उल्लेख छ ।
सुनसम्बन्धी जाँच आयोगले बिहीबार बुझाएको प्रतिवेदनमा पुनविरुद्ध अनुसन्धान नगरी सीआईबीले उन्मुक्ति दिएको निष्कर्ष निकालेको थियो । सुन प्रकरणमा पुर्पक्षका लागि थुनामा रहेका दावा छिरिङसँग दिपेशको कनेक्शन रहेको पाइएको छ ।
