तासको खालबाट पाँच जना पक्राउ

नवलपुर । कावासोतीबाट तास खेलिरहेका पाँचजना पक्राउ परेका छन् ।

कावासोती २ हिमाल चोकनिवासी ४० वर्षीय उज्ज्वल मल्लको घरबाट मल्लसहित पाँचजनालाई नियन्त्रणमा लिएको जिल्ला प्रहरी कार्यालय नवलपुरका प्रहरी नायब उपरीक्षक जेशी शाहले बताए । उनीहरूको साथबाट एक लाख चार हजार ५९५ रुपैयाँ नगद र चार बुक तास बरामद गरेको छ ।

४० वर्षीय गोविन्द न्यौपाने, ४२ वर्षीय खिम लामिछाने मगर, ४५ वर्षीय रामजी पाण्डे र कावासोती ३ निवासी २९ वर्षीय देवराज बस्याल पक्राउ परेका हुन् । पक्राउ परेकालाई म्याद थप गरिने प्रहरीले जनाएको छ।