- ३ आश्विन २०८३, शनिबार / Sep 19, 2026
काठमाडौं । उपनिर्वाचन २०८१ को परिणाम आउने क्रम जारी रहेको छ । स्थानीय तहमा रिक्त ४१ पदका लागि आइतबार भएको उपनिर्वाचनको परिणाम सार्वजनिक हुने क्रम जारी रहेको हो ।
निर्वाचन आयोगले हालसम्म ३७ स्थानको परिणाम सार्वजनिक गरेको र बाँकी ४ पदमा मतगणना जारी रहेको आयोगले जनाएको छ । उपनिर्वाचनमा राष्ट्रिय स्वतन्त्र पार्टी (रास्वपा) एकीकृत समाजवादी, नेपाल मजदुर किसान पार्टी र स्वतन्त्रले एक–एक स्थानमा जित निकालेका छन् ।
कांग्रेस १६ वडा जितेर पहिलो स्थानमा छ । नेकपा माओवादी केन्द्र एक अध्यक्ष, एक उपाध्यक्ष र ६ वडाध्यक्ष गरी ८ स्थानमा विजयी हुँदै दोस्रो स्थानमा छ ।
तेस्रो स्थानमा रहेको नेकपा एमालेले हालसम्म एक अध्यक्ष, एक उपाध्यक्ष र पाँच वडाध्यक्षसहित ७ स्थानमा जितेको छ । जनता समाजवादी पार्टी नेपालले मधेस प्रदेशका दुई ठाउँका वडाध्यक्ष जितेको छ ।
