- १ भाद्र २०८३, सोमबार / Aug 17, 2026
काठमाडौं । नयाँ लाइसन्सहरू प्रदेशबाट क्यूआरकोडसहितको कार्डमा छपाई हुने यातायात व्यवस्था विभागले जनाएको छ । सवारी चालक अनुमतिपत्र (लाइसेन्स) लिनेहरुको संख्या दिन प्रतिदिन बढ्न थालेपछि नियमावली संशोधन गरेर चिप्सको स्थानमा क्युआर कोड राखेर सवारी लाइसेन्स बितरण गर्ने विभागले जनाएको छ ।
लाइसेन्स वितरण गर्नुपर्ने सख्यामा वृद्धि हुँदै २८ लाखको सख्यामा पुगिसकेको छ । नीति तथा पापदण्ड बनाउने अधिकार सघको भएको र यातायात विभाग अन्तर्गतका सबै कार्यालय प्रदेश सरकालाई हतान्तरण भएपछि सवारी लाइसेन्स छपाईदेखि वितरण नविकरण गर्ने सम्पुर्ण जिम्मा प्रदेश स्थित यातायात व्यवस्था कार्यालयको रहेको बिभागले जनाएको छ ।
क्यूआर प्रिन्टर सस्तो पर्ने र विवरण गर्न समेत सहज हुने हुँदा अब सोही अनुसार प्रदेशहरूले छाप्न सक्ने निर्णय भएको विभागले जनाएको छ । बागमती प्रदेशले खरिद गर्न गइरहेको क्यूआर कोड पढ्ने उपकरणले नागरिक एपबाहेक राष्ट्रिय परिचयपत्र नम्बर वा त्यसको क्यूआर, सवारीचालक अनुमतिपत्र नम्बरका आधारमा त्यसको आधिकारिकता जाँच्न सक्छ । क्षमता देशव्यापी गराउनेबारे समेत छलफल भइरहेको विभागले जनाएको छ ।
नेपालका ४५ वटा यातायात कार्यालयबाट दैनिक करिब छ हजारको हाराहारीमा नयाँ सवारीचालक अनुमतिपत्र जारी हुने गरेको छ । प्रत्येक दिन थपिने नयाँ र पुराना गरेर लाखौँ लाइसन्स वितरण हुन नसकिरहेको अवस्थामा विदेश जानेहरूलाई बाहेक अरूका लागि स्मार्ट लाइसन्स छाप्न बन्द गरेको विभागले प्रदेशहरूलाई त्यससम्बन्धी अख्तियारी दिने काम अघि बढाएको छ ।
