- ३ आश्विन २०८३, शनिबार / Sep 19, 2026
काठमाण्डौ । तीन प्रदेशमा बादल लागेको जल तथा मौसम पूर्वानुमान महाशाखाले जनाएको छ । पश्चिमी न्यून चापीय प्रणालीको प्रभावले तीन प्रदेशमा बादल लागेको हो ।
जल तथा मौसम पूर्वानुमान महाशाखाका अनुसार बाग्मती, गण्डकी र कर्णाली प्रदेशमा बादल लागेको हो । तराई–मधेसका केही ठाउँमा हुस्सु छ । बुधबार दिउँसो देशका पहाडी भागमा मौसम आंशिकदेखि साधारणतया बदली रही बाँकी ठाउँमा मौसम सफा नै रहने अनुमान छ ।
कर्णाली, सुदूरपश्चिम, बाग्मती र गण्डकी प्रदेशको उच्च पहाडी तथा हिमाली केही ठाउँमा हल्का हिमपातको सम्भावना छ । काठमाण्डौमा न्यूनतम तापक्रम ८ दशमलव ६ डिग्री सेल्सियस मापन भएको छ । काठमाण्डौमा बुधबार अधिकतम तापक्रम २१ देखि २३ डिग्री सेल्सियसका बीच रहने अनुमान छ ।
कर्णाली र सुदूरपश्चिमका एक–दुई ठाउँमा हिजो हल्का वर्षा भएको तर अबका तीन दिन बुधबार, विहीबार र शुक्रबार आंशिक रुपमा बादल लाग्ने अनुमान गरिएको छ ।
