- २८ असार २०८३, आईतवार / Jul 12, 2026
काठमाडौं । सङ्क्रमणकालीन न्याय (टीआरसी)को सहजीकरणका लागि बनाइएको कार्यदलको बैठक बस्दैछ । बैठक बस्ने, समय खेर फाल्ने र फलफूल खाने बाहेक अरु कार्य अगाडि बढ्न नसकेको कार्यदलकै एक सदस्यले बताए । सिंहदरबारस्थित गृहमन्त्रालयमा आज पनि बैठक बस्न लागेको हो ।
कार्यदल सदस्यमा कांग्रेसबाट गृहमन्त्री लेखक, एमालेबाट महेश बर्तौला र माओवादी केन्द्रबाट जनार्दन शर्मा छन् । टीआरसी विधेयक र शान्ति प्रक्रियाका काम सहमतिमै टुङ्ग्याउन सहमत भएका थिए । संयन्त्रले टीआरसी विधेयकमा जुट्न नसकेको बुँदामा सहमति खोज्नेछ ।
संसदमा विचाराधीन सत्य निरूपण तथा मेलमिलाप आयोग र बेपत्ता पारिएका व्यक्तिको छानबिन आयोगसम्बन्धी विधेयकमा दलहरूबीच बालसेनाको मामिलालाई ऐनमा कसरी उल्लेख गर्ने र मेलमिलापका घटनामा पीडितको स्वतन्त्र सहमति नभए के गर्ने भन्नेबारे छलफल सुरु भएको छ।
