त्रिशूलीमा गाडी खस्यो, उद्वारका लागि गोताखोर परिचालन

काठमाडौं । नारायणगढ(मुग्लिन सडकखण्डअन्तर्गत चितवन इच्छाकामना गाउँपालिका स्थित त्रिशूली नदीमा ‘गाडी खसेको छ।

आज बिहान सवा चार बजेतिर त्रिशूली नदीमा गाडी खसेको मुग्लिन प्रहरीले जनाएको छ । सूचना आएपछि गोताखोरको टोली परिचालन गरिएको मुग्लिन प्रहरीका इन्सपेक्टर विशाल तामाङले बताए ।

गोताखोरको टोली डुंगा लिएर त्रिशूली नदीमा प्रवेश गरेर खोजिरहेको छ । गाडी कहाँबाट कहाँ जाँदै थियो, कस्तो प्रकारको गाडी हो भन्ने खुलेको छैन ।

नदी किनारमा एउटा फलामको टुक्रा र भारतीय नम्बर प्लेट भेटिएपनि अहिलेको हो या पुरानो भन्ने यकिन नभएको इन्सपेक्टर विशाल तामाङले बताए ।